A nosa Pastoral

A nosa razón de ser hoxe convértese en mirada cara a unha Igrexa Comunidade, Pobo de Deos, que acolle aos humildes e aos máis pequenos. 

Convértese en mirada cara a...

A figura de Xesús, vivo, compañeiro de camiño, que ora e traballa en Nazaret. 

A sociedade do século XXI, nova, dinámica e plural. 

A persoa, libre, solidaria, responsable. 

Os nosos Fundadores, Bonifacia Rodríguez e Francisco Butiñá. 

Todas estas miradas convértennos en homes e mulleres apaixonados pola misión educativa, misión que hoxe queremos traducir nun GRAN TALLER.

A escola convértese nun dos poucos ámbitos onde se pode facer pastoral, por iso desexamos que no noso taller todo funcione desde os valores do Evanxeo e ao estilo educativo das Servas de San José.

Pretendemos desenvolver a dimensión transcendente como parte da formación integral do alumnado, mediante o coñecemento dos valores cristiáns expresados a través do carisma de Santa Bonifacia, fomentando a espiritualidade como un proceso dinámico, onde poidan desenvolver a dimensión profunda, que lles sirva como unha ferramenta especial para o diálogo e adquiran un coñecemento, capaz de saber responder os retos que lles pon a vida.

A continuación, enumeramos algunhas das actividades que realizamos a nivel de centro:

• Eucaristías.
• Ofrenda do traballo diario.
• Oración do profesorado. FUNDADORES
• Convivencias do alumnado de ESO.
• Celebración do Día da Paz.
• Semana vocacional en consonancia co resto de centros educativos SSJ de España.
• Mes de maio (ofrenda floral).
• Semana dos fundadores. O día 6 de xuño celebramos todos xuntos o aniversario de Santa Bonifacia. 

Ademais participamos noutras actividades en colaboración coa PARROQUIA, co BISPADO, coa DIÓCESE… por exemplo:

• Domund.

• Recollida de alimentos.

• Sementadores de estrelas.

• Rastrillo solidario.

• Mans unidas.

• Semana Teolóxica.

• Marcha misioneira

Tamén dispoñemos dun asesor relixioso, grupos MSJ (Movemento San José) Rastrillo Solidario e a nosa propia ONG Taller de Solidaridad. (Para máis información, consultar nos seus correspondentes apartados)