Consello escolar

É un órgano de goberno colexiado no que están representados todos os membros da Comunidade Educativa. A participación social no ámbito educativo está consagrada a través deste instrumento representativo.

Grazas a el, profesorado, familias e alumnado interveñen no control e xestión do noso centro.

Non é un órgano consultivo, senón que as súas decisións son vinculantes. O mandato de cada un dos seus membros é de catro anos. A renovación dos distintos sectores da comunidade educativa que o integran realízase a medias cada dous anos.

Todas as normas dunha comunidade autónoma relacionadas coa formación escolar deben someterse a informe do Consello Escolar correspondente.