Josefinas en Puebla (México) e Viladecans (Barcelona)
Os mozos científicos das Josefinas de Ourense participaron a última semana de outubro de 2023 en dous certames de ciencias internacionais. Sarai, Alba e Jacobo de 3º de ESO participaron na MILSET Expo-Sciences International 2023 en Poboa (México) defendendo o seu proxecto sobre a repoboación de bosques queimados mediante unha técnica que eles mesmos deseñaron, o Heliseeding. Ao mesmo tempo Sandra, María e Martín de 3º de ESO, xunto con Hugo C., Hugo S. e Jorge de 6º de EP viaxaron a Viladecáns (Barcelona) pasa asistir á XXIV edición de Ciencia en Acción con proxectos sobre os insecticidas e as plantas repelentes de insectos, os primeiros, e a importancia da hixiene de mans, os últimos.
Foron dúas experiencias inesquecibles para todos/as eles/as. Os participantes en México conseguiron o seu pase á MISET-ESI como resultado de gañar o primeiro premio en marzo de deste mesmo ano na Exporecerca Jove de Barcelona. Doutra banda, os participantes en Ciencia en Acción regresaron coa satisfacción de conseguir todos os premios na modalidade de Biomediciña e Saúde, primeiro premio para os alumnos de Secundaria e a mención de honra do xurado para os de Primaria.
Durante estes días puideron tamén coñece as cidades na que residiron e visitar museos e monumentos.
Máis información en https://
