O alumnado de 1º de ESO achega Europa aos máis pequenos a través do xogo
Dentro do programa Escolas Embaixadoras do Parlamento Europeo (EPAS), o alumnado de 1º de ESO deseñou xogos de mesa educativos sobre Europa e a Unión Europea para compartir co alumnado de 5º de Educación Primaria.
A través desta actividade de aprendizaxe entre iguais, os máis pequenos puideron coñecer dun xeito lúdico países, capitais, culturas, símbolos e institucións europeas. A proposta completouse cos “Xeoxogos”, dinámicas que reforzan o coñecemento xeográfico e fomentan a cooperación, a creatividade e o pensamento crítico.
Unha experiencia motivadora que promove a colaboración entre etapas e achega os valores europeos ao alumnado de maneira activa e significativa.
